Sero nok tulih blog kot bahaso kelate pulok eh, guano wey kelate kaloh lagi nih? Kucar molek napok permainey, Indraputra pulok napok tok menyengat. Syahdu molek sero tgk game takdih. Walaupun ambo tok berapo minat bola (dulu minat la maso zamey2 hashim mustapha dgn "bicycle/overhead kick" dio, pahtu gerry gomez hok hiding (heading/tanduk) bola sapa pecoh bola2), tapi memandangkey negeri ambo main di perlawaney akhir Pialo Malaysia jadi ambo musti sokong. Ko guano adik kakok?
Biarpun ambo tok gi tengok di stedium bukit jalil sebab tokdey beli teket dey jugok atah sabab musabbab hok tok dapat dielokkey, tetapi ambo tetap membuwi sokongey di hadakpan talibesen (bley2 ghohek aye golek sekor nge gu2). Hok maso maing final pialo F.A hari tu ambo siak gi tgk lagih di stedium (14 tahun doh tok masuk stedium), tapi kaloh jugok. Tapi takpo, ambo ucapkey TAHNIAH kepado pasukey kelate sebab berjayo capai sehinggo ke peringkat perlawaney akhir Pialo Malaysia. Tahun dakpan kito tera pulok skali lagi. Kali ni biar buleh wak kelik ko Koto Baru skali pialo tuh. Dok gitu adik kakok? Apo2 pun...GOMO KELATE GOMO!!!
2 comments:
kawe lelos bena denga pnyokong kelate semale, wat malu weyh, hish, lelos.. blk kelate dh ko?
Tuh kato,awal2 semangat blako, masuk gol keduo senyak tupah,masuk gol ketigo pakak duk lepar bedil doh,duk bakar kusi nge banner, stadium jadi supo medey perey, wat malu la kalu peranga gini...
Btw x kelik lagi, hari rabu baru kelik, kalu free2 bilo2 buleh la lepok2 minum2, ko guano? :)
Post a Comment